P’askuarhu, tembeni t’amu juritikua kutsí julio, uéxurhini iumu irepeta tembeni t’amu.- K’erenchekua Mimixekuari Mechuakani Anapu (UIIM), iamundu jorhenkurhirichani miatauaxati, k’eri anchikurhita enka jatsika juchari iriekurhikuarhu anapu k’uiripuecha jinkoni enkasï uékaaka chunkumani jorhenkurhini, janó je ka kurhankurhi je na jásï jorhenkurhikuacha jarhasïki , seskujtsi karakurhiaaka jimboka ambandiati utasï julio ka agostuni jamberi.
Isï jimbó K’erenchekua Mimixekuari Mechuakani Anapu, jorhenkurhiriecha jinkoni kunkurhintasïndi enkasï notki janhasïkani jaká naní nirani jorhenkurhikua p’irani.Isï jasï jimbó UIIM, miatauasïndi uachichani, tumbiechani, tati ka nandi jembachani, esïka k’eri ma k’umanchikua jorhentparakuasïka enka iamunduecha újka inchajka ka nomambé tumina maianhpenhani, jimboka jorhenkurhikua iaminduecharisïka.
Arí jindesti jorhenkurhikuaecha anchikurhikua uéntskuari, iumu irepeta tembeni t’amu-iumu irepeta tembeni iumu.
JORHENTPARAKUA ENKA CHATARHU UAXASTAKATA JAKÁ:
Sesi jasï nitamakurhikua
Markuechari arhijperakua ka irietechari juramukua
Janhasïkakua ka mimixekua jatsikurhikua
Iaminduechari uandakua ka eianhperakua.
JORHENTPARAKUA ENKA OTOMI-MAZAHUA UANDARICHA IRIEKURHIKA.
Sesi jasï nitamakurhikua, k’amarhikukua jinkoni, janhasïkani nani na mititarkurhini mamaru ambé enka jiníni isï jatsikurhinhaka.
JORHENTPARAKUA ENKA K’ERI JAPUNDARHU JAKÁ:
Sesi jasï nitamakurhikua, k’amarhikukua jinkoni, janhasïkani nani na mititarkurhini mamaru ambé enka jiníni isï jatsikurhinhaka.
Karákurhikuaecha lunesï ka biernesï jamberisti iumu t’amu atakuarhu tsípakua jimbó ka tanimu atakuarhu inchatarukuari jimbó.
P’imarhparata xarharaxati anchitakuarhu, www.uiim.edu.mx o mataru anchitakuarhu facebook ka twitter, (k’erenchekua mimixekuari) istu ari mataru anchitakuarhu contacto@uiim.edu.mx; ojtsi ukajtu uandani arini miiukuacharhu (434) 34 2 55 32 y (434) 34 2 23 07.
Uaxastakata jarhasti k’umanchikua jorhentperakuaecha:
Chatarhu: xanharu k’eri sani juanu tumbio-ch’erani k’eri, (km. 16.2) Chatarhu mechuakani.
Otomí-Mazahua: irieta no turhisï uandarichari (San Felipe de los Alzati) Sani Felipe Alsatíchaeri, (zitácuaro)Tsítákuarhu mechuakani.
Costa Nahua: k’umanchikuarhu mamaru jasï marhoatspekuapka, anchikurhikuari enka no turhisï uandariechani marhoakuajka (CDI), (Faro de Bucerías), Faro Buceríasïrhu, Aquila, Mechuakani.